शेती -इ -संस्कृती -डेटा मध्ये फार्मर नेटवर्क खालील शेतीकामकाज संबधी बाबीचे डिजिटलीकरण करणार आहे . जमा होणाऱ्या माहितीचे महत्व आणि शेतकऱ्याला होऊ शकणारा फायदा खालीलप्रमाणे असू शकणार आहे .

शेतकरी आपल्या लागवडीखालील क्षेत्रात कोणत्या पिकाची लागवड करतो ?किती क्षेत्रात करतो आणि त्याचा नेमका काढणीचा कालावधी किती आहे या संबधी माहिती हि हंगाम निहाय , शेतकरी निहाय ,पीक निहाय तसेच क्षेत्रनिहाय जमा करू शकणार आहे .तर फार्मर नेटवर्क कडे हि माहिती गावनिहाय ,तालुका निहाय ,जिल्हा निहाय तसेच राज्यनिहाय जमा होणार आहे .हि आकडेवारी केंद्रीकृत डिजिटली स्वरूपात सर्वर वर जमा होणार आहे . या माहिती आकडेवारीचे विसलेशन केल्यावर खालील बाबी बाबत स्पष्टता आणि पारदर्शिता येऊ शकणार आहे .
१) गावनिहाय पीक निहाय क्षेत्रनिहाय एकूण लागवड क्षेत्र .
2)आर्थिक व अन्य अडचणीमुळे लागवड न झालेले क्षेत्र .
3) पीकनिहाय पिकाचा कालावधी नेमका किती आहे आणि पीक काढणी करीता केव्हा उपलब्ध होऊ शकणार आहे .
4) शेतकरी निहाय पीकनिहाय विमा संबधी माहिती जमा होऊ शकणार आहे . .

शेतकरी शेतीकामकाजात बियाणे ,खते ,ओषधी ,रोपे आदी करता हंगामनिहाय खर्च करीत असतो . हा खर्च नेमका कोणत्या बाबीवर किती खर्च होतो आहे या संबधी माहितीचे अवलोकन करण्याकरिता हि माहिती फार्मर नेटवर्क वेबसाईट वर जमा करीत आहे . शेतकरी हि माहिती पुराव्यासह हंगामनिहाय ,क्षेत्रनिहाय पीकनिहाय जमा करणार आहे . हि माहिती सुद्धा फार्मर नेटवर्क कडे ,शेतकरी निहाय गाव निहाय तालुका निहाय ,जिल्हा निहाय ,राज्य निहाय जमा होऊ शकणार आहे . या माहितीचे एक्स्पर्ट कडून विशलेषण केल्यावर खालील बाबी मध्ये स्पष्टता आणि पारदर्शी येऊ शकणार आहे .
१) शेतकरी निहाय एकूण होणारा हंगामनिहाय ,पीकनिहाय खरेदी खर्च .
२) शेतकरी नेमका कोणत्या बाबीवर नेमका किती खर्च करतो ,कोणत्या ब्रँड वर करतो याची पुराव्यासह माहिती .
३) एकूण किती रक्कमेचा गावनिहाय हा व्यवहार आहे .

शेतकरी हा पूर्वमशागत ते विक्रीपात्र शेतमाल तयार होईपर्यत मजुरी वर खर्च करीत असतो . विक्रीपात्र शेतमाल बाजारात विकण्यासाठी वाहतूक आणि बाजारखर्च करीत असतो या सर्व खर्चाला मजुरी खर्च अंतर्गत धरून शेतकरी आपल्या डिजिटल खात्यात नोंदणी करणार आहे . हि माहिती हंगाम निहाय ,पीकनिहाय क्षेत्रनिहाय नोंदणी होणार आहे . आणि फार्मर नेटवर्क कडे हि माहिती हंगामनिहाय ,पीकनिहाय ,शेतकरी निहाय तसेच गाव निहाय ,तालुका निहाय ,जिल्हा निहाय आणि राज्य निहाय डिजिटली जमा होऊ शकणार आहे . हि आकडेवारी याचे अवलोकन केल्यावर खालील बाबीची स्पष्टता आणि पारदर्शिता येऊ शकणार आहे .
१) शेतकरी निहाय ,हंगामनिहाय टप्पा निहाय होणारा मजुरी वर खर्च .
२) एकूण होणाऱ्या (खरेदी +मजुरी )खर्च याचा हिशोब पकडून शेतकरी निहाय ,हंगामनिहाय ,पीकनिहाय ,गटनिहाय होणारा एकूण भांडवली खर्च .
३) एकूण भांडवली खर्च याचा अभ्यास करता कोणत्या टप्प्याचे मशिनीकरण करण्याची गरज आहे .
४) विभागवार एकूण पीकनिहाय सरासरी होणारा मजुरी खर्च .

शेतकरी हंगामनिहाय ,पीकनिहाय होणारे विक्रीपात्र शेतमाल उत्पादन याची नोंदणी आपल्या डिजिटल खात्यात नोंदवू शकणार आहे . शासन आणि शेतकऱ्याच्या दृष्टीने सर्वात महत्वाची हि माहिती फार्मर नेटवर्क कडे शेतकरी निहाय ,पीकनिहाय ,हंगामनिहाय क्षेत्रनिहाय इतक्या मायक्रो लेव्हलवर जमा होऊ शकणार आहे . तसेच हि माहिती गाव निहाय ,तालुका निहाय ,जिल्हा निहाय आणि राज्यनिहाय असणार आहे . या माहितीचे विसलेशन जेव्हा एक्स्पर्ट लोकांकडून केल्या जाईल तेव्हा खालील बाबीची स्पष्टता आणि पारदर्शिता येऊ शकणार आहे.
१) एकूण पीकनिहाय हंगामनिहाय होणारे "विक्रीपात्र शेतमाल उत्पादन ".
२) शासन स्तरावर नेमके आयात -निर्यात धोरण
३) शासन पातळीवर बाजारात होणारा हस्तक्षेप .
४) एकूण शहराची गरज बघता नेमके किती उत्पादन पक्रिया मध्ये आणि एकूण किती उत्पादन निर्यात करावयाचे धोरण शासन पातळीवर ठरू शकणार आहे .
५) एकूण मागणी आणि पुरवठा याची सांगड कशी घालता येईल जेणेकरून शेतमालाचे भाव कोसळणार नाही .

बाजारात शेतमाल विकल्यानंतर शेतकऱ्याच्या पदरात सर्व खर्च वजा करता नेमकी किती रक्कम हातात पडली याची माहिती शेतकरी आपल्या डिजिटल खात्यात "विक्रीखर्चाच्या पावतीसह " डिजिटली साठवू शकणार आहे . हि माहिती हंगामनिहाय ,पीकनिहाय असणार आहे . आणि फार्मर नेटवर्क कडे हि माहिती बाजारसमिती निहाय आडत्यानिहाय ,शेतकरी निहाय ,पीकनिहाय ,हंगामनिहाय जमा होणार आहे . हि माहितीचे विसलेशन केल्यावर खालील बाबीमध्ये पारदर्शिता येऊ शकणार आहे .
१) शेतकरी निहाय हंगामनिहाय पीकनिहाय बाजारसमितीत मिळालेला भाव आणि शेतकऱ्याला आलेला विक्री खर्च .

फार्मर नेटवर्क कडे डिजिटलीकरणाच्या माध्यमातून जमा होणाऱ्या माहिती मधून शेतकरी निहाय ,हंगामनिहाय "शेतीचा ताळेबंद" तयार होऊ शकणार आहे . शेतीच्या ताळेबंदातून कोणता शेतकरी हंगामात नफ्यात आहे तर किती नफ्यात आहे आणि तोट्यात आहे तर नेमक्या किती तोट्यात आहे हे समजू शकणार आहे . या माहिती आधारावर कदाचित शासन स्तरावर दखल घेऊन शेतकरी बाबतीत मदतीचे धोरण ठरावे असे फार्मर नेटवर्क चे प्रामाणिक मत आहे .जेणेकरून गरीब शेतकऱ्याची आर्थिक परिस्तिथी सुधारून त्याना आत्महत्यांची वेळ येणार नाही

स्वयंपूर्ण गाव विकास प्रकल्प च्या शेती -इ -संस्कृती -डेटा च्या अमंलबजावणी मधून शेतकऱ्यांसोबत शासनाला धोरणात्मक फायदे होऊ शकणार आहे .

१) आयात -निर्यात धोरण संदर्भात पारदर्शिता आणण्यासाठी या डिजिटलीकरणाचा फायदा होऊ शकणार .
२)कोणत्या शेतकऱ्याला मदत करावयाची आहे या संदर्भात पारदर्शिता राखू शकणार आहे .
३) शेती कर्ज रक्कम माफी बाबत शेतीचा ताळेबंद बघून धोरणे ठरवू शकणार .
४) शेतीचा उत्पादन खर्च आधारित बाजारातूनच भाव मिळवून देण्यासंबंधी धोरणात पारदर्शिता राखू शकणार आहे .
५) बाजारात भाव संदर्भात हस्तक्षेप किती करावयाचा या बाबत धोरण ठरविता येऊ शकणार . .

शेती -इ -संस्कृती -डेटा अंतर्गत शेतकरी आणि शेतकऱ्याच्या वतीने गावात फार्मर नेटवर्क कडून नेमलेला प्रतिनिधी शेतकरी मित्र-माहितीसंकलक नोंदणी करू शकणार आहे .

१) आपले पूर्ण नाव
२) आपला संपूर्ण पत्ता (गावाचे ,तालुका ,जिल्हा ,आणि पोस्टल कोड )
३) शेतकरी असल्याचा पुरावा म्हणून ७/१२ ८अ खाते उतारा .
४) ७/१२ ८ अ खाते उतारावर वर असलेले नाव सिद्ध करण्यासाठी शासन कागतपत्रे (आधारकार्ड ,मतदान कार्ड किंवा अन्य पुरावा )
५) बँक खाते क्रमांक आणि बँकेचा पत्ता .
6)नोंदणी सहभाग रक्कम 200रुपये .

लागणारी कागतपत्रे (शेतकरी मित्र -माहितीसंकलक )

१)आपले पूर्ण नाव
२)(आधारकार्ड ,मतदान कार्ड किंवा अन्य पुरावा )